Төрийн үйлчилгээ чанар муутай байдаг улс орнуудад нэг зүйл нийтлэг байх хандлагатай байдаг: Тэдгээр улсад үр дүнтэй шийтгэх эсвэл урамшуулах хуулийн зүйл заалт бага байдаг эсвэл огт байдаггүй.  Тэгэхээр “ардчилсан” гэдгийг ихэвчлэн хариуцлага тооцох механизм хэрэгжиж байна гэсэн таамаглалтай адилтгах нь нийтлэг боловч бодит байдал маш их ээдрээтэй байдаг.  Үйлчилгээ үзүүлэх үйл явц болон хариуцлагын механизмын хэрэгжилтэд нөлөөлдөг олон төрлийн хүчин зүйл бий.  Ихэнх тохиолдолд ийм механизм огт байхгүй эсвэл хүйс, бэлгийн чиг баримжаа, нас, орлого, хөгжлийн бэрхшээл эсвэл эрх мэдлээс шалтгаалж бараг үйлчилдэггүй эсвэл ялгаварлан гадуурхах шинжтэй байдаг.

Энэ гарын авлагад ардчилсан хариуцлагын механизмыг боловсронгуй болгох зүйлсийг тодорхойлох үнэлгээний арга зүйг толилууллаа.  Тус аргачлал нь Ардчилал, сонгуулийн туслалцааны олон улсын хүрээлэнгийн иргэний санаачилгатай Ардчиллын төлөв байдал, Орон нутгийн ардчиллын үнэлгээний төлөв байдал гэсэн үнэлгээний аргачлалын багцын хамгийн сүүлийнх нь юм. Төрийн үйлчилгээг үзүүлэхтэй холбоотой бодлогын процессоор дамжуулан үүрэг хүлээсэн этгээдэд хариуцлага тооцож болох эсэх, мөн ийм хариуцлагын механизмыг сайжруулах аргыг хэрхэн боловсруулах удирдамжийг тус гарын авлага өгөх болно.